Dalin fotot e bishës së Mercedes (Foto)

Rreth një muaj pasi u publikuan fotot e para spiune të Mercedes AMG GLC 63 Coupe, tash kanë dalë edhe fotot pa kamuflazh, që tregojnë se si do të duket modeli i ardhshëm i SUV-it të madh të prodhuesit gjerman.

Nga ajo që dimë deri më tani, GLC Coupe e re do të jetë pak më i gjerë dhe më i gjatë se paraardhësi, si dhe do të shfaqë një fytyrë të ndryshme në krahasim me modelet më të vogla në linjën e Mercedesit.

AMG ka grilë specifike, një parakolp të modifikuar të përparmë me hyrje më të mëdha ajri, pragje anësore më të gjera dhe një difuzor agresiv me katër tuba shkarkimi në pjesën e pasme.

AMG GLC 63 Coupe do të kalojë në një motor 2.0-litërsh hibrid me katër cilindra të përbashkët me C63 të ri.

Nëse numrat janë identikë, kjo do të thotë se crossover-i sportiv duhet të ketë 671 kuaj fuqi dhe 752 çift rrotullues.

Sedani i shpejtë e bën sprintin 0-60 km në orë në vetëm 3.3 sekonda.

Data e debutimit të konkurrentit të BMW X3 M nuk është konfirmuar ende, por duke parë se sa pak kamuflim kishte prototipi i testit nga prilli, presim një zbulim të plotë dhe zyrtar në muajt e ardhshëm.