Ç’po ndodh në PS? Rama mbledh sot online Asamblenë Kombëtare
Shqip
Kryesocialisti Edi Rama do të mbledhë sërish anëtarët e Asamblesë Kombëtare të PS.
Takimi do të zhvillohet online, ndërsa në fokus do të jenë çështje organizative të partisë.
Ndërkohë, mësohet se krahas zhvillimit të mbledhjes online, në selinë e PS do mblidhen edhe drejtuesit politikë të qarqeve.
“Me kërkesë të Kryetarit të PS, ju njoftoj se me datë 21.02.2024, ora 17.30 do të zhvillohet mbledhja e Asamblesë Kombëtare të PS. Mbledhja do te zhvillohet sipas sistemit On Line”, thuhet në njoftimin e ndarë nga sekretari i Përgjithshëm, Blendi Klosi.
Ndërkohë, ashtu siç është bërë me dije më parë, Asambleja e PS do të mblidhet edhe më 16 mars në një takim në qytetin e Durrësit.
Takimi i fundit i anëtarëve të Asamblesë ishte më 11 shkurt ku u bë një analizë e strukturave socialiste në qarqe.
Ndërsa në fokus ishin edhe përgatitjet për zgjedhjet parlamentare 2025.
/Shqip.com
