Coutinho e gjen shkopin magjik të cilin e kishte lënë në ishull
Shqip
“Magjistari i vogël” e “konfirmoi” pse e mban këtë epitet.
Philippe Coutinho e ka nisur me gol dhe asistim – aventurën e tij te Aston Villa, në ndeshjen që barazuan 2-2 kundër Manchester United.
Golin e parë në këtë takim e shënuan mysafirët, të cilët shënuan pas vetëm gjashtë minutave lojë.
Autor ishte Bruno Fernandes.
U prit një përgjigje nga kundërshtarët, por diçka e tillë nuk ndodhi në pjesën e parë.
Në anën tjetër, edhe në 45 minutëshin e dytë, United shënuan të parët.
Përsëri autori ishte i njëjti: Bruno Fernandes.
Pasi e pranuan këtë gol, Villa u nisën në sulm me të gjitha focat dhe arritën që të shënojnë me anë të Jacob Ramsey – kur po zhvillohej minuta e 77-të. Asistues ishte, Philippe Coutinho.
Por, kjo nuk ishte e gjitha. Coutinho shënoi pas vetëm pesë minutave dhe festa shpërtheu. Një debutim i ëndrrave për brazilianin.
29 vjeçari është në huazim gjashtë mujor – te skuadra angleze, e cila e ka mundësinë e blerjes së tij për 40 milionë euro.
Pas këtij barazimi, “Djajtë e Kuq” gjenden në vendin e shtatë të Premierligës, me 32 pikë të grumbulluara.
24 më pak se City që është lider.
Në anën tjetër, Aston Villa pozicionohet në vendin e 13-të, me 23 pikë.
Nën urdhërat e Steven Gerrard, kjo skuadër duket mjaftë premtuese dhe do “luftojnë” për një vend që dërgon në Europaligë. /Shqip.com
