Coman rrezikon të mbetet jashtë finales
Publikuar:
(16.12.2022 09:00:00)
Kingsley Coman është futbollisti i radhës te kombëtarja e Francës që është sëmurë para finales së Kupës së Botës “Katari 2022”.
Franca ndeshet me Argjentinën të dielen teksa kërkon ta mbrojë titullin e kampionit botëror të cilin e kishte marrë katër vjet më parë.
Fillimisht u njotua që Adrien Rabiot dhe Dayot Upamecano janë sëmurë dhe kjo bëri që ata të mungojnë në gjysmëfinalen ndaj Marokut të mërkurën.
Ndërkaq, trajneri i Trekolorëve, Didier Deschamps, e ka konfirmuar të enjten që nga ethet dhe zjarrmia tash po vuan edhe një tjetër lojtar i klubit, duke e pasur fjalën për Comanin.
/Shqip.com