Champions League – 12 skuadra tashmë kanë siguruar kualifikimin tutje
Me vetëm një ndeshje të mbetur, 12 skuadra tashmë kanë siguruar kualifikimin nga faza e grupeve.
Napoli ka befasuar të gjithë, duke e siguruar vendin e parë në grupin A, me pesë fitore nga po aq ndeshje të zhvilluara.
Pa shumë probleme këtë grup e ka kaluar edhe Liverpool, duke e lënë Ajaxin në Evropa League.
Në renditjen e deri më tanishme të këtij grupi, Napoli është në vendin e parë me 15 pikë, i ndjekur nga Liverpool me 12 sosh, derisa Ajax është i treti, kurse Rangers janë të fundit pa asnjë pikë.
Liverpool mund ta marr vendin e parë nëse në ndeshjen e fundit e mposht Liverpoolin, me më shumë se tri gola.
Grupi B ka sjellë një të papritur.
Club Brugge e Porto kanë siguruar kualifikimin tutje, duke e eliminuar Atletico Madridin nga kompeticoni më i madh për klube.
Club Brugge është në vendin e parë me 10 pikë, i ndjekur nga Porto që ka një pikë më pakë, derisa Atletico e Leverkusen janë në dy vendet e fundit.
Edhe pse dy vendet e para janë vendosur – renditja përfundimtare dihet në ndeshjen e fundit.
Bayern e Interi kanë dërguar Barcelonën në Europa League për herën e dytë radhazi.
Ndeshja e fundit e Grupit C është vetëm formalitet, pasi gjithçka është vendosur.
Bayern do të kryesoj grupin, me Interin që zë vendin e dytë, Barcelona bie në Europa League nga pozita e dytë, kurse Viktoria Plezen renditet i fundit.
Grupi D është grupi më i hapur me vetëm një ndeshje të mbetur.
Të katërta skuadrat mund të përfundojnë nga vendi i parë deri në të fundit.
Tottenham është i pari në këtë grup me tetë pikë, Sporting e Frankfurt kanë nga shtatë dhe Marseille është i fundit me gjashtë.
Në xhiron e fundit Marseille përballet me Tottenham dhe Sporting me Frankfurt.
Tottenhamit e Sportingut do t’i mjaftonte barazimi për tu kualifikuar tutje.
Një tjetër grup që ende ka shumë për të vendosur është Grupi E.
Chelsea tashmë ka siguruar vendin e parë, por “lufta” zhvillohet për vendin e dytë.
Milan e RB Salzburg që luajnë me njëra tjetrën i ndan vetëm një pikë dhe fituesi vendoset në raundin, derisa humbësi bie në Europa League.
Edhe grupi F, po ashtu është vendosur se Reali do të jetë në vendin e parë.
Kurse për vendin e dytë do të luftojnë Shakhtar dhe RB Leipzig.
Edhe në grupin G gjithçka është vendosur, pavarësisht se çfarë ndodh në ndeshjet e fundit.
Manchester City renditet i pari, Dortmund është i dyti, me Sevillan e Copenhagen që gjendet në dy vendet e fundit.
Me eliminimin e Sevillas – Real Madrid mbetet e vetmja skuadër në Champions League nga Spanja.
Në grupin H, Paris Saint-Germain dhe Benfica do të luajnë për tu vendosur renditje.
Me Juventusin që u eliminua.
Në ndeshjen e fundit PSG përballet me Juventusin, kurse Benfica me Maccabi Haifa.
/Shqip.com