Çfarë ndodh me trurin e një fëmije kur nëna e tij abuzohet gjatë shtatzënisë?

Foshnjat e lindura nga nëna që përjetojnë dhunë në familje gjatë shtatzënisë kanë pësuar zhvillimin e trurit dhe ndryshimet në strukturën e trurit.

Amigdala, e cila ka qenë e lidhur me emocionet, dhe veçanërisht me frikën, është më e vogël tek vajzat, nënat e të cilave janë abuzuar gjatë 9 muajve që i mbanin thuhet në një studim nga studiuesit në Universitetin e Bathit

Kurse, tek djemtë madhësia e bërthamës kaudate u rrit. Kjo zonë e trurit është e lidhur me funksione të shumta duke përfshirë kujtesën, mësimin, shpërblimin dhe lëvizjen.

Studiuesit në Universitetin e Bathit, duke punuar në bashkëpunim me studiues nga Universiteti i Kejptaunit, analizuan skanimet e trurit të 143 foshnjave afrikano-jugore, nënat e të cilave kishin qenë subjekt i dhunës intime të partnerit (IPV) gjatë shtatzënisë. Dhuna intime e partnerit përfshin abuzim emocional, fizik dhe/ose seksual e po ashtu edhe sulmin.

Skanimet e IRM-së së trurit u bënë kur foshnjat ishin mesatarisht 3 javëshe, kështu që ka të ngjarë që çdo ndryshim që u vu re të jetë zhvilluar brenda barkut.

Duke publikuar gjetjet e tyre në revistën Developmental Cognitive Neuroscience, ekipi hulumtues raporton se ekspozimi i nënës ndaj IPV gjatë shtatzënisë është i lidhur me ndryshime në strukturën e trurit tek foshnjat e reja të identifikuara menjëherë pas lindjes, raporton NN.

Kjo ishte e dukshme edhe kur studiuesit morën parasysh përdorimin e alkoolit nga ana e nënës dhe pirjen e duhanit gjatë gjithë shtatzënisë, si edhe ndërlikimet e shtatzënisë.

Ndryshimet e hershme në strukturat e trurit mund të shpjegojnë pse fëmijët, nënat e të cilëve përjetojnë nivele të larta të stresit gjatë shtatzënisë, kanë më shumë gjasa të kenë probleme psikologjike në fëmijëri ose më vonë në jetë.

Ndryshimet seksuale në zhvillimin e trurit mund të ndihmojnë edhe për të shpjeguar pse vajzat dhe djemtë shpesh zhvillojnë probleme të ndryshme të shëndetit mendor. Megjithatë, studiuesit paralajmëruan se studimi nuk analizoi zhvillimin emocional dhe kognitiv te fëmijët.