Çfarë dimë për amerikanët e kapur në Meksikë

Dy amerikanë janë kthyer në SHBA nga Meksika dhe po trajtohen në një spital pasi një rrëmbim i armatosur la të vdekur dy nga miqtë e tyre dhe nxiti një kërkim prej disa ditësh për udhëtarët që kishin kaluar kufirin për një procedurë mjekësore, thonë zyrtarët.

LaTavia Washington McGee, një nga amerikanët e mbijetuar, pritet të kthehet në shtëpi të mërkurën, tha nëna e saj, Barbara McLeod Burgess.

Katër amerikanët u gjetën në një “shtëpi prej druri” në ose afër qytetit kufitar meksikan të Matamoros, ku u rrëmbyen të premten, njoftoi të martën guvernatori i Tamaulipas, Américo Villarreal.

Viktimat Shaeed Woodard dhe Zindell Broën u gjetën të vdekur në vendngjarje, tha një zyrtar amerikan i njohur me hetimin në vazhdim.

Eshtrat e tyre pritet të riatdhesohen në SHBA pasi një ekzaminues mjekësor meksikan përfundoi një ekzaminim mjekoligjor për të përcaktuar shkaqet e vdekjes së tyre.

Autopsitë përfunduan të mërkurën në mëngjes, tha një zyrtar nga Prokuroria e Tamaulipas.

Shkaku i vdekjes nuk është bërë ende publik, tha zyrtari, dhe më shumë detaje do të jepen më vonë, raporton CNN.