Casillas ka harruar Sara Carboneron, ka gjetur dashurinë e re
Shqip
Ish-portieri spanjoll, kampion bote në vitin 2010 dhe kampion evropian më 2008 e 2012, duket se ka gjetur sërish dashurinë pas përfundimit të martesës me Sara Carboneron.
Ajo puthje e drejtpërdrejtë e 11 korrikut 2010 mes portierit spanjoll, Iker Casillas, dhe gazetares së “Telecinco”, Sara Carbonero, ishte një flakë bukurie dhe romantike.
Ishte nata më e bukur për futbollin iberik, sepse Spanja sapo kishte arritur majën e botës për herë të parë në Afrikën e Jugut, pasi mundi Holandën e Sneijder dhe Robben në kohën shtesë me një gol të Andres Iniesta.
Casillas dhe Carbonero e zbuluan historinë e tyre të dashurisë për të gjithë botën pas finales së Botërorit të Afrikës së Jugut më 2010. Të dy u martuan në fshehtësi në Madrid në mars të vitit 2016.
Lucas dhe Martin kanë lindur nga lidhja e tyre. Pasi u përballën së bashku me sfida të rëndësishme (sulmi i tij në zemër gjatë stërvitjes me Porton, kanceri i saj në vezore), Iker dhe Sara u ndanë në mars 2021.
Marrëdhëniet jashtëmartesore të ish-portierit të Real Madridit dhe Portos mund të jenë shkaku i përfundimit të martesës. Fakti është se tani Casillas duket se ka gjetur sërish dashurinë.
/Shqip.com
