Lajme

Cakolli: Raportimet për dialog të bëhen në Kuvend e jo në rrjete sociale

Eugen Cakolli-IDK

Eugen Cakolli nga Instituti Demokratik i Kosovës ka thënë se raportimi për dialogun me Serbinë nuk do të duhej të kufizohej në “raportim” nëpër rrjete sociale pasi që sipas tij këto duhet të bëhen në Kuvendin e Kosovës, shkruan SHQIP.

Cakolli në Facebok ka shkruar së në Kuvend duhet raportuar e ofruar llogari.

“Raportimi për dialogun me Serbinë nuk do të duhej të kufizohej në “raportim” nëpër rrjete sociale. Kuvendi i Kosovës është vendi ku së pari duhet raportuar e ofruar llogari!”, ka shkruar ai.

Ndërkohë që KDI nëpërmjet një letre publike ka kërkuar transparencë nga Kryeministri i Kosovës, Albin Kuri rreth procesit të dialogut Kosovë-Serbi.

Të hënën, zëvendëskryeministri i Kosovës, Besnik Bislimi ka treguar nëpërmjet një shkrimi në “Facebook” për takimet që pati në Bruksel, ku deklaroi se fillimisht kanë pasur takime të ndara Kosovë-BE dhe Serbi-BE.

Bislimi tha se në takimin që kishte me të ngarkuarin e Bashkimit Evropian për dialogun Kosovë-Serbi Miroslav Lajçak janë identifikuar 11 marrëveshje në të cilat Serbia nuk i ka përmbushur detyrimet e saja por që thekson se në asnjë fjali të vetme nuk është përmendur asociacioni./SHQIP.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.60
  • Benzine: 1.33
  • Gas: 0.75
Sot : 27/09/2022