Britney Spears nuk dëshiron që Millie Bobby Brown ta luajë atë në film: Nuk kam vdekur

Aktorja e njohur Millie Bobby Brown, e cila u bë e famshme pasi filloi në ‘Stranger Things’ në moshën 12-vjeçare, sapo ka publikuar projektin e saj të fundit në Netflix, ‘Enola Holmes 2’.

Megjithatë ajo e ka bërë të qartë se nuk do të ndalet me kaq, duke thënë se do të donte të luante Britney Spears në një film për këngëtaren.

“Unë dua të luaj një person real dhe mendoj për mua, Britney. Ajo do të ishte Britney Spears ,” tha Brown .

Aktorja shpjegoi se sheh disa ngjashmëri mes karrierës së saj dhe asaj të Spears, pasi të dyja filluan kur ishin nëntë vjeç.

“Unë mendoj se historia e saj ngjason me timen. Thjesht duke u rritur, duke parë videot e saj, duke parë intervista të saj kur ishte më e re”, tha ajo.

Ndërkohë që nuk ka asnjë projekt për jetën e Spears aktualisht në zhvillim, kjo nuk e pengoi këngëtaren të reagoj në Instagram për këtë çështje.

“Lajm i mirë, lajm i mirë!!! Ende po merr frymë,” tha Spears . “Dëgjoj për njerëz që duan të bëjnë filma për jetën time, unë nuk kam vdekur”, ka shkruar Spears.