Boston i bashkohet Miamit në finalen e Lindjes
Shqip
Boston është ekipi i dytë finalist i play off-it në Konferencën e Lindjes, pas fitores 112-88 ndaj Philadelphias në ndeshjen e shtatë dhe të fundit gjysmëfinale. Skuadra e Celtics fitoi 4-3 me ndeshje, duke siguruar kështu një biletë për në finalet e kësaj konference në NBA.
Fitorja mban emrin e Jayson Tatum, që realizoi 51 pikë, duke qenë në një mbrëmje magjike. Mirë u paraqit edhe Borwn me 25 pikë, ndërsa te Philadelphia zhgënjyen të gjithë lojtarët “big”, përfshirë edhe Joel Embiid, i shpallur MVP një javë më parë (15 pikë).
Në finalet play off të Konferencës së Lindjes, skuadra e Boston do të luajë ndaj Miami Heat dhe do të ketë në epërsi faktorin fushë.
Nesër nisin ndeshjet finale në Konferencën e Perëndimit, ku Denver pret në fushën e tij ekipin e Lakers.
Gjysmëfinale – Lindje
Boston – Philadelphia, 112-88 (4-3)
New York – Miami, (2-4)
Finale – Lindje
Boston – Miami
Gjysmëfinale – Perëndim
Denver – Phoenix, (4-2)
Golden State – Lakers, (2-4)
Finale – Perëndim
Denver – Lakers
/Shqip.com
