Borrell infektohet me koronavirus, anulohet vizita e tij në Kinë
Shefi i Punëve të Jashtme të BE-së, Josep Borrell, ka shtyrë një udhëtim të planifikuar në Kinë pasi rezultoi pozitiv me Covid-19.
Në një postim në Twitter të mërkurën, Borrell tha se ai “ndihej mirë” dhe nuk kishte simptoma.
“Unë kam rezultuar pozitiv në testin për Covid-19 dhe prandaj fatkeqësisht do të duhet të shtyj vizitën time në Kinë. Ndihem mirë dhe nuk kam asnjë simptomë”, shkroi ai.
I have tested positive for covid-19 and therefore unfortunately will need to postpone my visit to China.
I am feeling well and have no symptoms.
— Josep Borrell Fontelles (@JosepBorrellF) April 12, 2023
Borrell do të vizitonte Kinën nga 13 deri më 15 prill në të njëjtën kohë me Ministren e Jashtme gjermane, Annalena Baerbock.
Presidenti francez Emmanuel Macron dhe presidentja e Komisionit Evropian Ursula von der Leyen vizituan Kinën javën e kaluar.
Dyshja i kërkuan Pekinit të përdorë ndikimin në raport me Rusinë për të ndihmuar në përfundimin e luftës në Ukrainë. Kujtojmë që Borrell ishte infektuar edhe më parë me koronavirus, gjatë vitit të kaluar.
/Shqip.com