Borell: Të fillojë implementimi, të respektohen të gjitha obligimet
Përfaqësuesi i lartë i Bashkimit Evropian për Politikë të Jashtme dhe Siguri, Josep Borrell, ka thënë në lidhje me marrëveshjen e Ohrit se Kosova dhe Serbia u zotuan për rrugën drejt normalizimit dhe zbatimin aneksit
Kjo deklaratë e Borrellit vjen pasi më 4 prill Bruksel kishte takim në mes zëvendëskryeministrit të Kosovës, Besnik Bislimi dhe drejtori i të ashtuquajturës “Zyre për Kosovën” në Qeverinë e Serbisë, Petar Petkoviq.
“BE pret që të dyja të respektojnë të gjitha detyrimet prej saj dhe të fillojnë zbatimin sa më shpejt”, ka shkruar Borrell në Twitter.
Ai ka kërkuar nga Kosova dhe Serbia që të shmangin çdo përshkallëzim.
Më parë, më 18 mars në Ohër, u takuan kryeministri i Kosovës, Albin Kurti dhe presidenti serb, Aleksandër Vuçiq.
Nënshkrim të marrëveshjes nuk kishte, por Borrell kishte thënë atë natë se “tashmë ka një marrëveshje mes Kosovës dhe Serbisë”, duke shtuar se “ajo duhet të zbatohet”.
Serbia & Kosovo made a commitment on the Agreement on the path to normalisation&its annex. The EU expects both to honour all obligations from it &start implementing asap
The parties must avoid any escalations. Translation of their commitments into their European paths is ongoing
— Josep Borrell Fontelles (@JosepBorrellF) April 5, 2023
/Shqip.com