Bonucci paralajmëron De Ligtin: Ai duhet të tregojë respekt

Ikona e Bianconerëve thotë se ish-shoku i tij i skuadrës duhet të jetë më mirënjohës ndaj skuadrës së Serie A.

Leonardo Bonucci ka paralajmëruar ish-bashkëlojtarin e Juventusit, Matthijs de Ligt, që të tregojë respekt për skuadrën e Serie A pas transferimit të tij në Bayern Munich.

Mbrojtësi holandez u transferua te kampionët e Bundesligës në një transferim veror me vlerë rreth 80 milionë euro.

Qendërmbrojtësi sugjeroi se ai ishte i hapur për t’u larguar nga Italia në fund të sezonit të kaluar, ndërsa bisedimet për një zgjatje të kontratës me Juventusin ishin në vazhdim, duke thënë se ai do të “vendoste nëse do ta zgjaste apo do të shikonte diku tjetër” .

I pyetur nëse ishte i befasuar nga largimi i De Ligt nga Torino, Bonucci tha për La Gazzetta dello Sport :

“Jo, sepse disa nga deklaratat e tij e bënë të qartë se ai nuk donte të qëndronte në Juventus. Por mendoj se baza e gjithçkaje është respekti, grupi me të cilin ishte për tre vjet e ndihmoi të rritet dhe kompania investoi tek ai. I uroj më të mirat, por disa fraza të thëna në kombëtare nuk ishin shumë të bukura, folëm pas pushimeve dhe ai e mori. Bayerni është një klub i madh, por nuk është e sigurt që në një ekip të lartë je i destinuar të fitosh”, tha ai.

De Ligt ka zhvilluar 31 paraqitje në sezonin e fundit në Serie A, teksa ka regjistruar tre gola dhe një asistim.

Ai konsiderohet si futbollist me potencial të madh – dhe në të kaluarën ka qenë kampiten i Ajaxit – ende pa i mbushur të dy dekada jetë./Shqip.com