Bilbao i ofron kontratë Pochettinos
Rezultatet jo të mira në Ligën e Kampionëve kanë sjellur zhgënjim në Paris.
Mauricio Pochettino mund të jetë duke shijuar ditët e fundit si pjesë e PSG-së.
Kjo, pasi që Athletic Bilbao i ka ofruar atij kontratë të re, raporton “L’Equipe”.
Trajneri argjentinas do të shkarkohet nga Paris Saint-Germain në fund të sezonit dhe klubi bask shpreson ta tërheqë atë në La Liga këtë verë.
Edhe pse arriti të rikthente trofeun e kampionit të Francës në “Parc des Princes”, dështimet e tij në “UCL” janë arsye e shkëputjes së bashkëpunimit me parisienët.
PSG u eleminua në rundin e 16-të të finales nga Real Madridi, pas një performance të jashtëzakonshme të Karim Benzemas që shënoi hat-trick.
50 vjeçari ishte më herët trajner i Tottenham-it, me të cilët shkoi deri në finale të kompeticionit më prestigjioz për klube, por që u mposht nga rivali anglez Liverpool me rezultat 2:0. /Shqip.com