Biden njofton prani më të madhe ushtarake të SHBA-ve në Evropë

Presidenti amerikan, Joe Biden ka njoftuar një prani të zgjeruar ushtarake të forcave amerikane në të gjithë Evropën në përgjigje të pushtimit rus të Ukrainës.

Duke folur në samitin e NATO-s në Madrid më herët, ai tha se forcat amerikane do të forcohen në tokë, ajër dhe det, pasi presidenti rus Vladamir Putin kishte “shkatërruar paqen”, raporton BBC.

Biden, i cili po takohej me shefin e NATO-s, Jens Stoltenberg, tha: “Së bashku me aleatët tanë ne do të sigurohemi që NATO të jetë gati të përballojë kërcënimet nga të gjitha drejtimet në çdo fushë.”

NATO është po aq “e rëndësishme sa ka qenë ndonjëherë”, tha ai, duke shtuar se kërkesat e Finlandës dhe Suedisë për t’u bashkuar me aleancën ishin “pikërisht ajo që ai [Putini] nuk donte”.

Ajo vjen pasi dy vendet nordike janë në rrugën e duhur për t’i dhënë fund neutralitetit të tyre historik dhe për t’u bashkuar me NATO-n pasi Turqia, anëtare e aleancës, tërhoqi kundërshtimet e saj mbrëmë.

Përndryshe, samiti i NATO-s në Spanjë mbahet sot dhe gjatë ditës së nesërme, aty ku marrin pjesë krerët e shteteve anëtare të kësaj aleance politiko-ushtarake. /Shqip.com