Biden flet për Putinin: Bëri llogaritje të gabuara në luftën në Ukrainë

Presidenti i SHBA-së, Joe Biden tha për CNN se ai besonte se presidenti rus, Vladimir Putin, është një “aktor racional”, e vlerësoi gabimisht aftësinë e tij për të pushtuar dhe për të shtypur popullin e Ukrainës.

“Unë mendoj se ai është një aktor racional që ka llogaritur keq në mënyrë të konsiderueshme”, i tha Biden gazetarit, Jake Tapper, ndërsa bombardimet ruse mbi objektivat civile në Ukrainë sinjalizuan një tjetër pikë kthese në luftën disamujore.

Biden, i cili paralajmëroi javën e kaluar se rreziku i “armagedonit bërthamor” ishte në nivelin më të lartë në 60 vjet, tha në intervistë se kërcënimet që vijnë nga Rusia mund të rezultojnë në “gabime” dhe “llogaritje të gabuara” katastrofike, edhe pse ai nuk pranoi të shprehë qartë.

Tutje Biden tha se Putin gabimisht besonte se ukrainasit do t’i nënshtroheshin pushtimit rus – një gjykim i gabuar që është hedhur poshtë nga rezistenca e ashpër brenda vendit.

“Mendoj se fjalimi, objektivat e tij nuk ishin racionalë. Unë mendoj se ai mendoi se do ta mirëprisnin krahëhapur, se kjo ishte shtëpia e Nënës Rusi në Kiev dhe se ku do të pritej, dhe mendoj se ai thjesht e llogariti gabimisht”, tha Biden.

Në të vërtetë, një kundërofensivë e nisur nga Ukraina muajin e kaluar ishte e suksesshme në rimarrjen e territorit të mbajtur më parë nga rusët, duke përfshirë qendrat kritike të transportit. Humbjet dëshmuan sikletin e fundit të madh për Rusinë, ushtria e së cilës ka luftuar gjatë rrjedhës së luftës shtatë-mujore.

Megjithatë, këtë javë, Rusia nisi një nga fushatat e saj më të ashpra të bombardimeve që nga pushtimi në fund të shkurtit. Të paktën 19 persona janë vrarë dhe më shumë se 100 janë plagosur në të gjithë vendin.

Without detailing specifics, President Biden says contingencies have been gamed out should Russia use a tactical nuclear weapon in Ukraine https://t.co/EiwMxTbhRL pic.twitter.com/N7cSo3vjOx

— CNN Politics (@CNNPolitics) October 12, 2022