Bertone zbulon një hipermakinë 1100 kuaj fuqi

Bertone, një shtëpi e famshme italiane e dizajnit të automobilave, ka dalë me një hipermakinë që prodhon 1100 kf dhe 1100 Nm çift rrotullues për të shënuar 110 vjetorin e saj.

Makina, e pagëzuar me emrin GB110, është gjithashtu makina e parë me performancë të lartë që punon me karburant të bërë nga mbetje plastike. Kompania do të prodhojë vetëm 33 njësi të hipermakinës.

Në historinë e saj të pasur të automobilave, firma është e njohur për projektimin e makinave sportive ikonike si Lamborghini Countach, Alfa Romeo Montreal, Aston Martin DB2/4 Bertone Spider dhe Lamborghini Miura.

Ndërtuesi më i vjetër italian i karrocave të dizajnit u themelua në vitin 1912 nga Giovanni Bertone. Pronarët aktualë të kompanisë, Mauro dhe Jean-Franck Ricci, janë të gatshëm të bashkojnë përvojën e tyre inxhinierike me trashëgiminë e dizajnit të Bertone.

“Ne po e ndërtojmë këtë makinë për klientët që vlerësojnë historinë dhe trashëgiminë e Bertone. Dhe për njohësit që i duan makinat sportive me performancë të jashtëzakonshme. Nuk ka të bëjë vetëm me fuqinë dhe performancën e papërpunuar. Ka të bëjë me festimin e traditës së gjatë italiane të makinave elegante të përjetshme”, tha Ricci, CEO i Bertone.