Benzema dhe Vinicius shpallen më të mirët për këto kategori nga UEFA
Të shtunën e kaluar iu shtua edhe një medalje e artë në kabinetin e tij.
Karim Benzema u shpall fitues i kompeticionit më prestigjioz për klube me Real Madridin për edicionin 2021/22.
Sulmuesi francez ishte më meritori në sigurimin e trofeut të 14 të Ligës së Kampionëve ëpr “Los Blancos”.
🥇 UEFA’s Technical Observer panel have named Real Madrid’s Karim Benzema as the 2021/22 UEFA Champions League Player of the Season 👏👏👏@Benzema | #UCL
— UEFA Champions League (@ChampionsLeague) May 31, 2022
Ai është përzgjedhur nga UEFA si lojtari më i mirë i sezonit për edicionin 2021/22 në këtë kompeticion.
34 vjeçari e mbylli një edicion tejet impresiv në të gjitha garat, derisa tani është favorit për ta fituar edhe Topin e Artë.
Benzema arriti që në 12 paraqitje të shënojë 15 gola dhe një asistim në UCL.
UEFA po ashtu ka ndarë edhe çmimin e lojtarit më të mirë të talentuar për këtë edicion.
🥇 UEFA’s Technical Observer panel have named Real Madrid’s Vinícius Júnior as the 2021/22 UEFA Champions League Young Player of the Season 👏👏👏@vinijr | #UCL
— UEFA Champions League (@ChampionsLeague) May 31, 2022
Ky çmim shkon për Vinicius Junior, që po ashtu kishte një edicion të mrekullueshëm me kryeqytetasit e Spanjës.
Në 13 ndeshje, sulmuesi i talentuar brazilian ia doli të shënonte katër gola dhe të bënte gjashtë asistime.
Ai madje shënoi golin, që ishte i vetmi në ndeshje, në finale kundër Liverpool-it të Jurgen Klopp, pas një asistimi nga Fede Valverde.
Të dy janë po ashty kampionë të La Ligas në sezonin që lamë pas. /Shqip.com