Sport Ndërkombëtar

Barcelona me plan B për të përforcuar skuadrën

Barcelona
Barcelona

Barcelona do të aktivizojë një plan B për të përforcuar skuadrën pas prishjes së negociatave për rikthimin e Leo Messit.

Klubi Blaugrana e ka të qartë se do të përfundojë me një kufi të mjaftueshëm pagash për të sjellë yje të nivelit të lartë dhe po analizon tregun.

Një nga lojtarët që i është ofruar klubit katalonas është Neymar, i cili do të largohet nga PSG dhe do të ishte i gatshëm të bënte përpjekje për t’u rikthyer.

Trajneri i Barçës, Xavi Hernandez, kishte planifikuar sezonin me mundësinë që të luajë me Messin.

Madje kishte ndryshuar edhe vizatimin taktik për ta akomoduar në njëmbëdhjetëshe me një rol të rëndësishëm.

Xavi kishte folur me argjentinasin dhe besonte se ai do të ishte një pjesë e rëndësishme për lojën sulmuese të skuadrës.

Tani është evidente se ai do të kërkojë një futbollist diferencial në krye që do të ndihmojë Dembélé, Raphinha dhe Lewandowski.

Mbetet të shihet nëse rikthimi i Neymar në “Camp Nou” do të ndodhë.

/Shqip.com