Barcelona e përmbysë “Nëndetësen e Verdhë”
Shqip
Barelona ka shënuar fitoren e parë në udhëtim në këtë sezonë – në La Liga.
Katalunasit kanë triumfuar në udhëtim ndaj Villarrealit, me rezultat 1-3.
Golin e parë në këtë takim e shënoi Frenkie De Jong, kur po zhvillohej minuta e 48-të.
Ndërsa, paraprakisht, Gavi dhe Memhis Depay kishin lëshuar disa mundësi të pastra për shënim.
Por, ky gëzim nuk zgjati shumë, pasi vendasit e barazuan rezultatin me anë të Chukwueze.
Përderisa “nëndetësja e verdhë” po sulmonte pa pushim, e pësuan në kundërsulm.
Ishte Depay, që e tundi rrjetën në minutën e 88-të.
Goli i shënuar nga Depay
Ndërsa, goditjen përfundimtare Villarrealit, ia dha Phillipe Coutinho.
Mesfushori nga Brazili, realizoi nga pika e bardhë – në minutat shtesë të takimit dhe katalunasit arkëtuan pikët e plota.
Me këtë fitore, Barca ngritet në vendin e shtatë në elitën e futbollit spanjoll, me 23 pikë, pas 14-të ndeshjeve të zhvilluara.
Kurse, Villarreali mbetet në pozitën e 12-të, me shtatë pikë më pak./Shqip.com
