Avokatët dhe lobistët kërkojnë të marrin një pjesë të parave të marra nga bankat afgane

Të Premten e kaluar, presidenti Joe Biden njoftoi se SHBA-ja do të ndajë miliarda para të sekuestruara nga bankat qendrore afgane, për t’i paguar familjet e viktimave të 11 shtatorit, të cilët kishin paditur talebanët për dëmshpërblim, shkruan The Intercept.

Ky vendimi morri një reagim nga avokatët dhe lobistët që duan të marrin një pjesë të këtyre parave.

Në një letër dërguar gjykatës të martën, Kreindler & Kreindler dhe Motley Rice, firma ligjore që përfaqësojnë viktima të tjera të 11 shtatorit, pohuan se edhe paditësit e tyre duhet të marrin një pjesë.

Të ashtuquajturit paditës Havlish, të cilët do të marrin 3.5 miliardë dollarë, ishin ndër të parët që ngritën padi kundër talebanëve, duke kërkuar kompensim dhe fituan një vendim gjykate për disa miliardë dollarë në vitin 2006.

Sipas The Intercept, në letrën e tij drejtuar gjykatës, avokati James P. Kreindler pretendoi se paditësit Havlish përfaqësojnë vetëm 47 viktima që vdiqën më 11 shtator dhe se dhënia e fondeve nga gjykata do të ishte në dëm të familjeve të 2,930 individëve të tjerë të vrarë.

Tashmë, fondet e kompensimit, përfshirë atë të financuar nga paratë e përvetësuara nga Kongresi, kanë paguar miliarda dollarë për familjet e viktimave të 11 shtatorit.

Mirëpo, mundësia e pagesave më të mëdha ka bërë të krijohen reagime nga lobuesit dhe mbrojtësit ligjor.

Ndërkaq, K & K, në një mesazh për klientët këtë javë të siguruar nga The Intercept, theksuan se ka shumë çështje të pazgjidhura ligjore që lidhen me 3.5 miliardë dollarë fondet e bankës qendrore të Afganistanit.

Andrew Maloney, një partner në K& K, argumentoi se firma e tij meriton paratë e Afganistanit, sepse ata nuk luftuan mjaftueshëm me talebanët.

Në një padi të paraqitur në gjykatën federale vitin e kaluar, duke pretenduar shkelje të kontratës, lobistët që më parë punonin me K & K, zbuluan se firma kishte kompensuar lobistët e saj duke u premtuar atyre një përqindje të çmimeve të viktimave të 11 shtatorit.

Kur Kongresi miratoi Aktin për viktimat e terrorizmit të sponsorizuar nga shteti, ligjvënësit përvetësuan 3.3 miliardë dollarë në pagesa në tre raunde, nga viti 2017 deri në vitin 2020.

Të dhënat tregojnë se shumë nga firmat kryesore ligjore që përfaqësojnë viktimat e 11 shtatorit kanë shpenzuar shuma të konsiderueshme parash për lobim.

Cozen O’Connor, firma ligjore me bazë në Filadelfia që punon me paditë e familjeve të 11 shtatorit kundër qeverisë saudite, ruan Endgame Strategies, një firmë e drejtuar nga një ish-strateg republikan.

Asnjë nga firmat ligjore të kontaktuara nga The Intercept nuk dhanë informacion mbi strukturat e tyre të tarifave në lidhje me çështjen gjyqësore të 11 shtatorit.

Ndërsa rasti vazhdon të hetohet, me gjykatat qe vendosin se si te shpenzojnë 3.5 miliardë dollarë qe administrata Biden i morri nga bankat e Afganistanit, miliona qytetarë afganë përballen me rrezikun e menjëhershëm nga uria.

Sanksionet dhe konfiskimet bankare jo vetëm që kanë shkatërruar ekonominë afgane, por gjithashtu kanë detyruar një krizë masive migracioni. Sipas, The Intercept ka shumë familje që shesin fëmijë për të përballuar ushqimin për të ngrënë dhe afganë që tashmë vdesin nga mungesa e ushqimit.