Australia do të ndalojë cigaret elektronike

Të gjitha cigaret elektronike për një përdorim do të ndalohen dhe do të vendosen kufizime në paketim, shije dhe ngjyra të disponueshme, tha ministri australian i Shëndetësisë në një fjalim për Klubin Kombëtar të Gazetarëve.

“Nuk ka më shije çamçakëzi, jo më njëbrirësh rozë apo cigare elektronike të maskuara si markera që fëmijët t’i fshehin në kutitë e lapsave. Në vend të kësaj, ne do të kemi paketim të thjeshtë me shije të thjeshta,” tha ministri Mark Butler.

Ai tha se përdorimi i cigareve elektronike ishte “zbrazëtia më e madhe në historinë australiane” dhe Australia nuk do të lejon që përfitimet që kishte bërë në reduktimin e përdorimit të duhanit, të zhbëheshin me një “kërcënim të ri shëndetësor”.

Butler tha se “vaping” në Australi ishte bërë një produkt rekreativ, i tregtuar kryesisht për adoleshentët dhe të rinjtë të cilët kishin tre herë më shumë gjasa për të filluar duhanin.

“Cigaret elektronike u janë shitur qeverive dhe komuniteteve në mbarë botën si një produkt terapeutik për të ndihmuar duhanpirësit afatgjatë. Ne nuk do të qëndrojmë dhe të lejojmë që pirja e cigareve elektronike të krijojë një brez tjetër të varur nga nikotina”, tha ai.

Ai njoftoi një paketë mbështetjeje për sistemin shëndetësor, duke përfshirë një program të ri kombëtar të shqyrtimit të kancerit të mushkërive, shkruan CNN.

Australia do të rrisë taksat e duhanit me pesë për qind në vit për tre vitet e ardhshme, për të ndihmuar në pagimin e programit.

“E dimë se një cigare më e shtrenjtë është një cigare më pak tërheqëse”, shtoi ai.