Atletico zyrtarizon Griezmannin

Atletico Madrid ka ri-nënshkruar me sulmuesin francez Antoine Griezmann nga Barcelona deri në vitin 2026.

Griezmann u bë lojtari i gjashtë më i shtrenjtë në histori, kur iu bashkua Barcelonës për 108 milionë funte në vitin 2019.

Ai shënoi 35 gola në 102 ndeshje përpara se të kthehej te Atletico në formë të huazimit për dy vjet në fillim të sezonit të kaluar.

❤️🤍 G R I Z I 2️⃣0️⃣2️⃣6️⃣ pic.twitter.com/AWAT4AvN0U

— Atlético de Madrid (@AtletiFR) October 10, 2022

31-vjeçari ka tre gola dhe dy asistime në 11 paraqitje deri më tani këtë sezon, edhe pse vetëm tre nga ato paraqitje kanë qenë startuese.

Sipas gazetarit spanjoll të futbollit, Guillem Balague, kishte një klauzolë në kontratën e huazimit të Griezmann që do ta detyronte Atletico-n të blinte sulmuesin për 40 milionë euro nëse ai luan më shumë se 45 minuta në më shumë se 50% të ndeshjeve të tyre.

Si kundërpërgjigje, trajneri i Atletico-s, Diego Simeone, ka përdorur Griezmann si zëvendësues pas 60 minutash në tetë nga 11 paraqitjet e tij këtë sezon për të siguruar që klauzola të mos aktivizohej.

Griezmann mund të bëjë paraqitjen e tij të parë si lojtar i përhershëm i Atletico Madrid kundër Club Brugge në Ligën e Kampionëve të mërkurën.

Fituesi i Kupës së Botës 2018 është golashënuesi i katërt më i mirë në historinë e klubit me 144 gola në 304 paraqitje në dy periudha, pasi u bashkua fillimisht nga Real Sociedad në 2014.

Ai fitoi Europa League, Superkupën e Spanjës dhe Superkupën UEFA gjatë kohës së tij në Wanda Metropolitano.