Atletico i rikthehet fitoreve
Shqip
Eleminimi nga Liga e Kampionëve ka mbetur pjesë e të kaluarës.
Atletico Madrid ka shënuar fitore 2-1 ndaj Espanylit – në një takim dramatik.
Madrileinët kaluan në epërsi në minutën e 52-të. Topin në rrjetë e dërgoi Yanick Carraco.
“Los Colchoneros” po e dominonin takimin – deri në minutën e 71-të, por më pas gjithçka ndryshoi.
Geoffrey Kondogbia luajti me dorë – dhe u ndëshkua me karton të kuq – duke lënë vendasit me një futbollist më pak në fushën e gjelbër.
Nga ndërprerja – topin pas krahëve të Jan Oblak, e dërgoi Raul de Tomas.
Për sulmuesin spanjoll – ky ishte goli i 15-të në këtë kampionat.
Por, i njëjti u shndrrua në fytyrë tragjike – pas në minutat shtesë të takimit luajti me dorë në zonën e rreptësisë.
Referi kryesor akordoi penalti dhe në gol e konkretizoi Carraco.
Për sulmuesin belg ky ishte vetëm goli i pestë në këtë sezon.
Festa shpërtheu në “Wanda Metropolitano”.
Deri në fund të takimit – shifrat mbeten të njëjta.
Pas kësaj fitore Atletico mbetet në vendin e tretë në La Liga – me 60 pikë të gumbulluara.
Plot 12-të më pak se Real Madrid që është lider.
Në anën tjetër, Espanyoli është në vendin e 11-të, me 39 pikë të grumbulluara.
Objektivin për qëndrim në La Liga e kanë arritur./Shqip.com
