Atletët transgjinorë ndalohen të garojnë në not
Shqip
Organi qeverisës botëror i notit, FINA, ka votuar për të kufizuar notarët transgjinorë që të konkurrojnë në garat elitare të femrave, raporton Sky Sports.
Organizata votoi për këtë çështje gjatë një kongresi të përgjithshëm të jashtëzakonshëm në Kampionatin Botëror në Budapest, ku 152 anëtarë të FINA-s paraqitën vendimin e tyre për këtë çështje.
Një total prej 71 për qind e votuesve zgjodhën të ndalonin sportistët trans nga konkurrimi në garat elitare të femrave nëse ata kanë kaluar nëpër ndonjë pjesë të procesit të pubertetit mashkullor.
Kjo do të thotë se konkurrentët transgjinorë tani do të duhet të kenë përfunduar tranzicionin e tyre deri në moshën 12-vjeçare – d.m.th. kanë pasur pubertet mashkullor të shtypur nga bllokuesit e hormoneve para moshës 12 vjeçare – në mënyrë që të konkurrojnë.
Në vend që t’i përjashtojë plotësisht gratë transgjinore nga noti, organi drejtues do të synojë të krijojë një kategori ‘të hapur’ në garat për ta, identiteti gjinor i të cilëve është i ndryshëm nga seksi i caktuar në lindje.
Përfshirja e grave transgjinore në not u bë një pikë grindjeje për shumë njerëz pasi Lia Thomas u bë gruaja e parë transgjinore e hapur që fitoi titullin e notit për femra të Divizionit të parë të NCAA në fillim të këtij viti.
Thomas ka shprehur planet për të vazhduar konkurrencën pasi të mbarojë kolegjin, megjithëse rregulloret e reja mund të kenë një ndikim të madh në mundësinë e saj për ta bërë këtë. /Shqip.com
