Asani tregon pse zgjodhi Shqipërinë
Shqip
Jasir Asani fitoi zemrat e tifozëve shqiptarë me debutimin te Kombëtarja e Shqipërisë kundër Polonisë.
Ishte një prej më të mirëve të takimit që dalluan nga të tjerët te kuqezinjtë.
Në një intervistë të fundit për “Kleagueunited” në Korenë e Jugut, Asani ka treguar arsyen se pse nuk zgjodhi Maqedoninë e Veriut përpara Shqipërisë.
“Kam marrë ftesën e Kombëtares vetëm pesë ditë para grumbullimit të tyre. Gjithmonë kam qenë në pritje për Kombëtaren dhe ishte ndjenja më e mirë. Do të jap gjithçka, shpirtin për Kombëtaren, gjithmonë”, ka thënë Asani.
“Unë kam luajtur për Maqedoninë e Veriut, kam lindur atje dhe familja jeton atje, por ne jemi shqiptarë të Maqedonisë”.
“Gjithmonë kam ëndërruar të luaj për Shqipërinë sepse jam shqiptar dhe jam shumë i lumtur që debutova me këtë fanellë”, ka shtuar Asani.
/Shqip.com
