Artemis: Nasa do të përpiqet të lëshojë raketën për në Hënë të shtunën

Agjencia amerikane e hapësirës NASA ka deklaruar se janë duke u përpjekur që raketën e re ta lëshojnë të shtunën për t’u nisur drejt Hënës.

Raketa kishte për t’u nisur dje por u anulua, pasi kishte probleme njëri nga katër motorët.

Pas shqyrtimit të të dhënave, inxhinierët besojnë se tani e kuptojnë pse ndodhi problemi, raporton BBC.

Ata mendojnë se ka të ngjarë të lidhet me një lexim të pasaktë të sensorit dhe se mund të zhvillojnë një strategji për t’u marrë me problemin në ditën e nisjes.

Kjo përfshin fillimin e procesit të ftohjes së motorëve më herët gjatë numërimit mbrapsht.

“Ne kemi një rrugë përpara për të arritur atje ku duhet të arrijmë, për të mbështetur nisjen e radhës,” tha John Honeycutt, i cili menaxhon projektin e raketave Space Launch System (SLS) në NASA.

Nisja e së shtunës do të caktohet në orën 14:17 me orën lokale (18:17 GMT; 19:17 BST) në Qendrën Hapësinore Kennedy në Florida.

Kontrollorëve do t’u jepen dy orë për të hequr raketën nga Toka.SLS është mjeti më i madh lëshues i zhvilluar ndonjëherë nga agjencia hapësinore amerikane./SHQIP.com