Arrestohet një vajzë, dyshohet se shkaktoi dëme në Kompleksin “Adem Jashari”

Një vajzë është arrestuar pasi dy ditë më parë ka shkaktuar dëme në Kompleksin Memorial “Adem Jashari”, në Prekaz.

Lajmin për Shqip.com e ka konfirmuar zëdhënësi i policisë Avni Zahiti.

“Mbi dyshime të arsyeshme për kryerje të veprës penale “Dëmtim, shkatërrim dhe nxjerrje e paautorizuar monumenteve ose objekteve të mbrojtura jashtë Republikës së Kosovës”, është arrestuar një e dyshuar femër”, tha ai.

Tutje, Zahiti njoftoi se të dyshuares i është caktuar masa e ndalimit për 48 orë.