Arrestohet një person në Gjilan, dyshohet se trafikoi shtetasen e Serbisë
Shqip
Një person është arrestuar nga Policia e Kosovës në Gjilan pasi që dyshohet se në lokalin e tij ka mbajtur në shfrytëzim një femër.
Siç ka njoftuar Policia e Kosovës në raportin e tyre 24 orësh, viktima ishte shtetase e Serbisë.
“Është arrestuar i dyshuari mashkull kosovar pasi që i njëjti dyshohet se në lokalin e tij ka mbajtur dhe shfrytëzuar viktimën femër shtetase të Serbisë”, thuhet në njoftimin e PK-së.
Tutje, PK-ja ka njoftuar se pas intervistimit me vendim të prokurorit i dyshuari është dërguar në mbajtje.
Ndërsa rasti është nën hetime dhe është cilësuar si “Trafikim me njerëz”./Shqip.com
