Arrestohen katër persona në Fushë Kosovë, po kryenin shitblerje të kokainës

Katër persona janë kapur në flagrancë nga Policia e Kosovës të shtunën në parkingun e një pompe të derivateve në Fushë Kosovë duke shkëmbyer substanca narkotike me para.

Policia njofton se të arrestuarit janë A.B, A.M, F.A dhe D.J.

 “Gjatë arrestimit tek i dyshuari (A.M) janë gjetur një sasi e narkotikeve e llojit Kokainë me peshë prej 11.1 gramë të cilën e kishte blerë nga i dyshuari tjetër (A.B), dhe tek i cili janë gjetur gjashtë qind e pesë dhjetë (650) Euro para të gatshme të cilat i kishte nga të dyshuarit që gjendeshin në automjet dhe tek këmbët i është gjetur një sasi e Kokainës me peshe prej 6.1 gramësh”.

Agjentët e Anti-Drogës po ashtu e kanë kontrolluar edhe banesën e njërit prej të dyshuarve.

“Pas arrestimit të personave të dyshuar në konsultim me autoritetet e drejtësisë është bërë kontrollimi i banesës së të dyshuarit të lartcekur (A.B) e cila gjendej ne Fushë Kosovë ku gjatë kontrollit janë gjetur dhe konfiskuar: gjashtë (6) paketime të madhësive të ndryshme të mbushura me kokainë me peshë të përgjithshme prej (83.7 gram), 4150 Euro para të gatshme (që dyshohet se janë të përfituara nga shitja e narkotikeve), një (1) peshore digjitale, gërshërë dhe pajisje të cilat i ka përdorur për paketimin e narkotikeve”.

Gjatë këtij operacioni policor janë konfiskuar dy vetura dhe katër telefona celularë.

“Gjatë operacionit policor janë konfiskuar dy vetura: një BMË ngjyre e zezë, një Ford me të cilat dyshohet se lëviznin personat e dyshuar, si dhe katër (4) telefona celularë. Me urdhër të prokurorit kujdestar të dyshuarit dërgohen mbajtje për procedura të mëtejme”./SHQIP.com