Arrestohen dy shtetas serb, kontrabandonin mallra nga Serbia
Dy shtetas të Serbisë janë arrestuar gjatë ditës së sotme, në pikën kufitare në fshatin Koshuticë të Komunës së Leposaviçit.
Personat e arrestuar dyshohet se përmes rrugëve ilegale kanë tentuar të kontrabandojnë mallra të ndryshme nga shteti i Serbisë.
Në njërin nga automjetet kishte të ngarkuar mall të kontrabanduar produkte të qumështit dhe miellit, ndërsa, në automjetin tjetër kishte farmerka, kërpudha dhe gazeta të mediave të shkruara të Serbisë.
Lidhur me këtë është njoftuar prokurori i Prokurorisë Themelore në Mitrovicë dhe me autorizim të tij janë iniciuar dy raste “Kalim i paautorizuar i vijës kufitare apo vendkalimeve kufitare” dhe ”kontrabandim me mall"
Malli dhe automjetet janë sekuestruar dhe janë dërguar në terminal doganor, ndërsa me vendim të prokurorit kompetent dy personat e dyshuar janë dërguar në mbajtje për procedura të mëtejme ligjore.
/Shqip.com