Arda Turan – po kalon momentet më të vështira në karrierë
Dikur ishte kampion i Spanjës me Atletico Madrid, por transferimi në Barcelonë – në vitin 2015, doli të jetë një vendim i gabuar për të.
Arda Turan – po kalon në një nga periudhat më të errëta në karrierë.
Mesfushori turk – ka pasur probleme fizike të shumta në vitet e fundit, teksa nuk do mundet të parballet kundër Barcës – në kuadër të Europaligës.
Mundo Deportivo, shkruan se “Turan nuk do të marrë pjesë dhe as nuk do të jetë në stol në ndeshjen eliminatore të Ligës së Evropës ndërmjet Barçës dhe Galatasaray, që do të fillojë javën e ardhshme, me ndeshjen e parë në Camp Nou”.
Teksa, mediumi turk “Sabah Sport” shkruan se “mesfushori nuk do të luajë për pjesën e mbetur të sezonit”.
Këto lajme kanë vërshuar pasi 35 vjeçari u kthye në fushën e gjelbër – pas një kohë të gjatë – javë më parë, por gjendja e tij fizike ishte larg nga versioni më i mirë.
Arda – duket që ka probleme me mbipeshë dhe ka mundësi që në fund të sezonit – mund të përshendetet me futbollin.
Ndeshja e parë ndërmjet katalunasve dhe Galasatarayt zhvillohet me datë 10 mars, në “Camp Nou”, me fillim nga ora 21:00. /Shqip.com