Arbana Osmani tregon se deri kur do të vazhdojë Big Brother VIP
Arbana Osmani është njëra ndër moderatorët më të komentuara në media.
Fama e saj është rritur edhe më shumë për shkak të suksesit që është duke e pasur spektakli ‘Big Brother VIP.
E gjithë kjo pasi personazhet brenda janë figura të njohura për publikun dhe për këtë kureshtja për të parë spektaklin është rritur edhe më shumë.
Së fundmi Arbana tregoi për Open ngjarjet që kanë lënë gjurmë në karrierën e saj profesionale për vitin që lamë pas si dhe ka treguar që Big Brother mund të vazhdojë edhe pas 18 shkurtit.
E para është mbyllja e programit “Dua të të bëj të lumtur” pas 5 vitesh dhe e dyta eksperienca me Big Brother VIP.
“Në plan profesional kanë qenë dy ngjarje të rëndësishme për mua: mbyllja me sukses e 5 viteve “Dua të të bëj të lumtur” , dhe gjithashtu rifillimi i Big Brother, kësaj herë në edicionin VIP, që është më i shikuari, më i diskutuari dhe komentuari. Është kthyer tashmë në një fenomen social, është bërë pjesë e shoqërisë shqiptare”, tha ajo.
Por a priste Arbana që Big Brother të kishte këtë sukses?
Arbana: Arsyeja kryesore pse unë pranova ta prezantoj menjëherë këtë spektakël, ka qenë përfshirja e Lori Hoxhës si producente, dhe kjo ka qenë një garanci për mua, që Top Channel do të bënte maksimumin, që ky program do të shkëlqente në çdo pikëpamje. Kështu që po, e prisja, i gjithë stafi ka qenë shumë i motivuar që nga fillimi.
Po cilin nga personazhet e larguar do të donte Arbana, ta shihte ende brenda shtëpisë?
Arbana: Më ka ardhur keq për të gjithë, dhe realisht është e vështirë sa herë që del një i eleminuar nga shtëpia, të vjen keq sepse janë si pjesë e shtëpisë. Më ka ardhur më tepër keq për Fifin, e cila ishte absolutisht nje personazh i jashtëzakonshëm brenda BB VIP.
Cilat janë momentet që kanë shënjuar spektaklin sipas saj?
Arbana: Do thoja hyrja e Borës në shtëpi, puthja me Donaldin, largimi i Fifit, momenti kur ajo është ndjerë keq brenda në shtëpi në një transmetim live, apo dalja e papritur e Big Mamës nga shtëpia.
Jemi minimalisht deri më 18 shkurt , por mund të jemi dhe më gjatë!/SHQIP.com