ShqipBizz Ndërkombëtar

Anwar Hadid fshin Dua Lipën në rrjete sociale

Dua Lipa dhe Anwar Hadid

Ditë më parë është raportuar se lidhja mes Anwar Hadid dhe Dua Lipës është në krizë.

Sipas mediave të huaja, një gjë e tillë ka ndodhur pasi ata shpesh janë larg njëri-tjetrit, derisa një gjë e tillë ka paraqitur problem.

Derisa aludimet për ndarjen e çiftit filluan, duket se modeli ka vendosur të ndërmarrë disa masa.

Në rrjetin social Instagram, Anwar ka fshirë të gjitha fotografitë me Duan, e po ashtu e ka hequr edhe nga të ndjekurit në profilin e tij.

Në anën tjetër, Dua e ka ende ‘follow’, derisa imazhet me të qëndrojnë edhe në profilin e këngëtares me prejardhje shqiptare.

Fansat në rrjete sociale kanë vërshuar me komente, duke pretenduar se lidhjes mes tyre i ka ardhur fundi./SHQIP.com