“Ansu Fati e kurorëzon dashurinë me Barcelonën”

Numri dhjetë i Barcelonës do të djersitet nga Ansu Fati, deri në vitin 2027.

Kështu të paktën qëndron sipas kontratës së re, që 18 vjeçari e ka nënshkruar me katalunasit, shkruan Shqip.com.

FC Barcelona, ka konfirmuar në rrjetet sociale, se kanë arritur marrëveshje me futbollistin në fjalë për të vazhduar kontratën për edhe gjashtë vitet e ardhshme.

Ndërsa, për detajet tjera, nuk dihet ende asgjë.

Katalunasit, janë duke i “blinduar” talentët e tyre, ndonëse janë duke kaluar nëpër një krizë të thellë financiare. Para disa ditëve, ata vazhduan bashkëpunimin edhe me Pedri Gonzales, që së bashku me Fatin, konsiderohen si e ardhmja e skuadrës.

Ansu, është rikthyer nga lëndimi pas më shumë se gjashtë muajsh qëndrim jashtë fushës së gjelbër dhe po merr minuta dalëngadalë.

Ai është një futbollist i veçantë për katalunasit pasi ka dalë nga akademia “La Masia”.

Rekordet e Ansu Fati-t deri më tani:

1) Debutuesi i dytë më i ri i Barcelonës në La Liga

2) Golashënuesi më i ri i Barcelonës në Liga

3) Debutuesi më i ri në Camp Nou

4) Lojtari më i ri që ka shënuar dhe asistuar në një ndeshje të Ligës

5) Golashënuesi më i ri në Camp Nou

6) Debutuesi më i ri i Barcelonës në Ligën e Kampionëve

7) Lojtari i dytë më i ri për Spanjën U-21

8) Golashënuesi më i ri i Barcelonës në Ligën e Kampionëve

9) Lojtari më i ri që ka shënuar dygolësh në La Liga

10) Lojtari i dytë më i ri për kombëtaren spanjolle Spanjën

11) Golashënuesi më i ri me kombëtaren spanjolle

12) Lojtari më i ri që ka shënuar dy gola në Ligën e Kampionëve

13) Së bashku me Pedrin, dyshja e parë nën 18 vjeç që shënuan në të njëjtën ndeshje të Ligës së Kampionëve

14) Lojtari me më së shumti gola në La Liga, nën moshën 18 vjeçare/Shqip.com