Ankohen gastronomët: Qeveria na ka poshtëruar
Shqip
Gastronomët janë ankuar – thonë se vazhdimisht gjatë pandemisë janë “poshtëruar” e “nëpërkëmbur” nga Qeveria.
Kryetari i Shoqatës së Gastronomëve, Petrit Kllokoqi, ka thënë se “Qeveria e Kosovës dhe institucionet relevante për asnjë moment të vetëm nuk e përkrahën dikasterin e gastronomisë në mbijetesën e tyre”.
Madje thotë se disa kamerier e kanë rrogën me zbritje për shkak të situatës.
“Ishim ne, Shoqata e Gastronomëve, ata që ndihmuam me fushatat tona, në vaksinimin rekord dhe pas gjithë kësaj, si na falënderoni JU”, tha ai.
Por, ka paralajmëruar se sektori i gastronomisë është në shuarje.
“Nejse, nuk ka mbetur edhe gjatë siç duket, që gastronomia të shuhet si fushë ekonomike dhe atëherë hiperinflacioni ekonomik do të jetë problem më i madh, sesa vet virusi, ndaj te cilit asnjëherë nuk fituat”, pohoi ai. /Shqip.com
