Amerikanët e shqetësuar për fatin e basketbollistet së arrestuar në Rusi, ajo është transferuar nga burgu i Moskës në koloninë Morodovia

Shtatë herë WNBA All Star dhe kampionia e dyfishtë olimpike, Brittney Griner është arrestuar në aeroportin e Moskës, “Sheremetyevo”, në mars të këtij viti.

Kësaj të fundit i zbuluan se në cigaren elektronike (vipe) kishte vaj hashashi.

Tashmë amerikania përballet me akuzat për kontrabandë droge në Rusi.

Ajo rrezikon deri në 10 vite burgim, nëse shpallet fajtore.

Arrestimi i Griner vjen në një kohë kur tensioni mes Rusisë dhe SHBA-ve është rritur, krijuar nga pushtimi i Ukrainës.

Së fundmi, Greiner u transferua nga burgu në një koloni në perëndim të Rusisë (Morodovia), shtatë orë me makinë në juglindje të Moskës, raporton CNN, shkruan Shqip.com.

Avokatët e saj, Marija Blagovoljina dhe Aleksandar Boykov, falënderuan të gjithë për shqetësimin dhe mbështetjen e tyre. “Në emër të saj, ne dëshirojmë të falënderojmë ata që treguan shqetësim për Britney. Ne e vizituam atë gjatë javës. Britney po bën aq mirë, duke u përpjekur të qëndrojë e fortë dhe të përshtatet me mjedisin e saj. Për faktin se këto janë kohë shumë sfiduese, ne nuk do të komentojmë më për këtë situatë”, thanë avokatët.