Ambasadori francez viziton Prekazin, thotë se nuk është koha që tensionet të rriten
Publikuar:
(13.11.2022 12:26:48)
Ambasadori francez në Kosovë, Olivier Guerot gjatë ditës së djeshme ka qëndruar për vizitë në Prekaz ku ka vizituar kompleksin e kullave të Jasharajve.
Kjo është bërë e ditur përmes një postimi në rrjetin social në Twitter.
“Isha dje në memorialin e Adem Jasharit dhe rreth 60 të afërmve që u vranë në vitin 1998. I prekur thellë nga solemniteti i këtij vendi dhe nga gjurmët e dhunës brutale. 25 vjet më vonë, nuk është koha për të lënë tensionet të rriten”, ka shkruar ambasadori francez.
Ambasadori francez vazhdimisht i ka bërë thirrje Kosovës dhe Serbisë për ulje të tensioneve pas zhvillimeve të fundit në veri të vendit.
/Shqip.com