Ambasadori amerikan në Kosovë ngrit flamurin e Krenarisë në rezidencën e tij

Ambasada e Amerikës në Kosovë ka vendosur flamurin e Krenarisë para objektit.

Ambasadori, Jeff Hovenier, ka thënë se në qershor shënohet muaji i krenarisë në Kosovë dhe janë paralajmëruar disa ngjarje dhe organizime.

“Këtë Muaj të Krenarisë, me krenari ngre flamurin e Krenarisë në rezidencën time. Së bashku me të gjithë anëtarët e komunitetit tonë, mezi pres të marr pjesë në ngjarjet e organizuara nga shoqëria civile në Javën e Krenarisë në mbështetje të vizionit tonë të përbashkët për të drejta të barabarta për të gjithë personat LGBTQI+”, shkroi Hovernier. 

This Pride Month, I proudly raise the Pride flag at my residence. Along with all our community members, I look forward to participating in civil society-organized Pride week events in support of our shared vision of equal rights for all LGBTQI+ people. https://t.co/e8bdCoCZ7U pic.twitter.com/b6J9RlZUoS

— Ambassador Jeff Hovenier (@USAmbKosovo) June 6, 2022

Në ndërtesën e Qeverisë së Kosovës, të hënën nga ora 18:00 ka filluar Java e Krenarisë, në mbështetje të komunitetit LGBT.

Brenda ekzekutivit ekziston edhe Zyra për Qeverisje të Mirë, të Drejta të Njeriut si dhe Mundësi të Barabarta e Kundër Diskriminimit ku dhe do të fillojë kjo ngjarje.

Ky organizim do të zhvillohet nën moton “Edhe n’shtet, edhe n’familje” ku ka për qëllim mbështetjen dhe promovimin e diversitetit dhe barazisë për komunitetin LGBTI në Republikën e Kosovës.