Ambasada amerikane: Sot më shumë se kurrë ta kujtojmë rëndësinë e paqes

Në përvjetorin e 24-të të çlirimit të Kosovës nga Serbia pas hyrjes së forcave të NATO-s, ka shkruar edhe Ambasada amerikane në Prishtinë.

Duke publikuar një fotografi të një ushtari amerikan dhe një helikopteri ushtarak, Ambasada shkruan se duke iu falënderuar NATO-s, shumë kosovarë u kthyen në shtëpitë e tyre.

Ambasada amerikane shkruan se sot “më shumë se kurrë”, duhet të dihet rëndësia e ruajtjes së paqes në Kosovë.

“24 vjet më parë, shumë kosovarë arritën të kthehen në shtëpi, duke iu falënderuar NATO-s, e cila solli paqen dhe stabilitetin në Kosovë dhe në rajon. Sot, më shumë se kurrë, duhet ta kujtojmë rëndësinë e ruajtjes së paqes për një të ardhme demokratike dhe prosperuese të Kosovës”, thuhet në postimin e Ambasadës amerikane.

24 years ago today, many Kosovans were able to return home, thanks to @NATO, which brought peace and stability to #Kosovo and the region. Today, more than ever, we must remember the importance of maintaining peace for a democratic and prosperous future for Kosovo. pic.twitter.com/NjX8sDjKRJ

— U.S. Embassy Pristina (@USEmbPristina) June 12, 2023