Ali Ahmeti: Menduh Thaçi më ka sharë, por bashkë kemi luftuar përmbysjen e “perandorisë” së Jugosllavisë

Pas zyrtarizmit të koalicionit parazgjedhor me Menduh Thaçin, kreu i BDI-së, Ali Ahmeti tha se në të kaluarën kanë pasur akuza ndaj njëri tjetrit me Menduh Thaçin, por që bashkërisht kanë punuar kundër regjimit komunist.

Gjatë një tubimi elektoral, kryetari i BDI tha se ai dhe Thaçi në të kaluarën janë bërë bashkë, duke lënë menjanë përplasjet politike, për të rrënuar atë që ai e quajti “perandoria” e Jugosllavisë.

“Unë nuk heq dorë nga e kaluara, nëse kam nostalgji, kam për lëvizjen ilegale dhe kjo më ka bërë atë fijen e fortë prej çeliku që unë mos e humb as durimin, as hidhërimin ndaj Menduh Thaçit, sepse i ka takuar taborit tim që bashkë kemi luftuar për ta përmbysur perandorinë e Jugosllavisë. Është e vërtet që ky më ka sharë, por kë të shante”, deklaroi Ali Ahmeti.