Aktakuzat për ndërhyrje në drejtësi, u bëhet thirrje qytetarëve për kujdes ndaj veprimeve të tyre

Jo domosdoshmërisht personat që ndiqen penalisht nga Gjykata Speciale e Kosovës, pretendohet se kanë kryer krime lufte.

Subjekt hetimor i saj, janë edhe ata persona që me veprimet e tyre cenojnë administrimin e drejtësisë.

Avokati Kadri Osaj, ka renditur disa veprime që janë nën llupën e Zyrës së Prokurorit të Specializuar, në kuadër të ndërhyrjeve në drejtësi.

Kryerja e këtyre veprimeve, llogaritet të bëhet shpeshherë nga mungesa e informacionit të ligjit.

Në këtë kontekst, Amer Alija nga Fondi për të Drejtën Humanitare, vlerëson se të gjithë qytetarët duhet të kenë kujdes se çfarë veprojnë, raporton Teve1.

Së fundi Gjykata Speciale ka konfirmuar aktakuzën për pengim të administrimit të drejtësisë ndaj dy personave, e cila është aktakuza e dytë e këtij lloji të veprave penale, e para ishte ndaj dy ish krerëve të OVL UÇK-së, Hysni Gucati e Nasim Haradinaj.