Aksioni në Karaçevë: Rrënohen disa kazino e arrestohen disa persona
Disa persona janë arrestuar dhe disa kazino janë rrënuar gjatë aksionit të Policisë së Kosovës në bashkëpunim me Prokurorinë Themelore të Gjilanit, i cili filloi mëngjesin e kësaj të mërkure dhe po vazhdon akoma.
Kështu kanë konfirmuar për Shqip.com nga Policia e Gjilanit, megjithatë nuk kanë bërë të ditur se sa është numri i tyre.
“Ka të arrestuar, por nuk mund të flasë më shifra. Ka edhe disa kazino ilegale që janë rrënuar. Aksioni është në proces. Jemi duke punuar në vend të ngjarjes”, ka thënë zëdhënësi i Policisë së Kosovbës për rajonin e Gjilanit, Ismet Hashani.
Shqip.com ka provuar të kontaktojë edhe me kryetarin e Gjilanit, Kadri Rrahimaj, por i njëjti ka qenë i paqasshëm.
Një operacion tjetër i Policisë dhe Prokurorisë i njohur si rasti “Karaçeva” është zhvilluar në shtatorin e vitit të shkuar, në fshatin Karaçevë.
Gjatë këtij aksioni është shkatërruar një rrjet që organizonte ilegalisht lojëra të fatit. Janë shkatërruar shumë ndërtesa, ndërsa janë arrestuar 33 persona.
Muajin e kaluar Prokuroria Themelore në Gjilan, Departamenti Përgjithshëm, ka ngritur aktakuzë kundër 73 personave lidhur me këtë rast. Në mesin e tyre ka edhe zyrtarë policorë./SHQIP.com