Aksidentohet për vdekje një 12-vjeçare teksa po skijonte në Brezovicë
Publikuar:
(15.02.2023 18:45:18)
Një 12-vjeçare është aksidentuar për vdekje teksa ishte duke skijuar në Brezovicë. Ajo ishte rrëzuar duke pësuar lëndime të rënda, të cilat nuk arriti t’i përballojë.
Kështu u bë e ditur nga Ardian Grazhda, njëri nga menaxherët e Qendrës së Skijimit.
“Vajza është rrëzuar keq derisa po skijonte me babanë e saj. Dyshohet se ajo e ka shqyer mëlçinë. Ajo është dërguar për trajtim në Shtërpcë, por nuk e kanë ndalë aty dhe ajo ka vazhduar për në Mitrovicë, ku edhe ka vdekur”, tha Grazhda për Klan Kosova.
Ai theksoi se viktima i takon nacionalitetit serb dhe është nga Leposaviqi.
/Shqip.com