Aksidenti tek rrethërrotullimi në Lakrishtë, vdes njëri nga të aksidentuarit

Ka vdekur njëri nga tre të lënduarit e aksidentit tek rrethrrotullimi në lagjen “Lakrishtë” të Prishtinës.

Lajmin për media e ka konfirmuar Shaqir Uka, shef i repartit të Mjekimit Intensiv.

“Tek ne ka qenë një 17-vjeçar. Fatkeqësisht nuk ka mundur t’ju bëjë ballë pasojave të lëndimeve. I njëjti ka ndërruar jetë rreth orës 22:00”, tha ai.

Rreth orës 03:00 të mëngjesit të së hënës, ndodhi një aksident i rëndë.

Vetura e aksidentuar ra poshtë urës, me ç’rast tre persona u lënduan, e njëri nga ta rëndë, ku me pas ka humbur jetën.