Aksident në Kavajë, humb jetën 28-vjeçari

Një i ri humbi tragjikisht jetën mbremjen e kësaj të enjte në Kavajë, si pasojë e një aksidenti me makinë.

Burime zyrtare të policisë thonë se ngjarja ndodhi në aksin rrugor “Gosë-Vilë Bashtovë”.

Viktima është një 28-vjeçar me iniciale B. Th., i cili sipas policisë, dyshohet se humbi kontrollin mbi drejtimin e automjetit dhe doli nga rruga, duke rënë në kanal.

Grupi hetimor ndodhet në vendngjarje dhe po punon për sqarimin e rrethanave të aksidentit.