Ahmeti: Asnjë kosovar nuk duhet të mbështesë këdo që e quan kryeministrin tonë fashist, edhe nëse e thotë një amerikan

Ish- kryetari i Komunës së Prishtinës, Shpend Ahmeti përmes një postimi në rrjetin social në Tëitter ka reaguar pas deklarave të Richard Grenell i cili e ka quajtur kryeministrin Kurti fashist.

Ahmeti ka thënë se asnjë kosovar nuk duhet të mbështesë këdo që e quan kryeministrin tonë fashist.

“Pavarësisht nëse (nuk) pajtohemi me kryeministrin për çështjet e politikës, asnjë kosovar nuk duhet të mbështesë këdo që e quan kryeministrin tonë fashist për përpjekjen për të vendosur reciprocitet, duke bërë pikërisht atë që Serbia u bën qytetarëve të Kosovës sa herë që hyjnë në Serbi. Edhe nëse e thotë një amerikan”, ka shkruar Ahmeti.

Regardless of whether we (dis)agree with the PM on policy issues, no Kosovar should support anyone calling our PM fascist for trying to establish reciprocity, doing exactly what Serbia does to Kosovo citizens every time they enter Serbia. Even if an American says it.

— Shpend Ahmeti (@ShpendA) August 1, 2022

Sot gjatë ditës përmes një reagimi në Twitter, Grenell është shprehur se Kurti është një fashistë.

“Edhe një herë, kryeministri fashist i Kosovës, radikal i ekstremit të majtë dhe me përvojë, Albin Kurti, në mënyrë të njëanshme bën një lëvizje për të refuzuar targat dhe ID-të serbe në Kosovë. Budallaqe. Të pamatur. Dhe e panevojshme. Pse nuk është Jake Sullivan dhe Antony Blinken duke i thënë të ndalojë rrugët e tij fashiste?”, ka shkruar Grenell në Twitter.

Kjo nuk është hera e parë që Kurti dhe Grenell nuk pajtohen në mes vete. Edhe në të kaluarën ka pasur përplasje midis të dyve./Shqip.com