Aeroporti “Adem Jashari’” shënon rritje të udhëtarëve dhe rikthen linjën e Ljubjanës

Aeroporti Ndërkombëtar i Prishtinës ‘Adem Jashari’ ka vazhduar në fillimvit trendin e rritjes së numrit të udhëtareve dhe fluturimeve edhe pse pothuajse kishte arritur shifren 3 milion udhëtarë vitin e kaluar.  

Vetëm në tremujorin e parë të këtij viti ka shërbyer rreth 650 710 udhëtarë apo 104 815 udhëtarë më shumë, krahasuar me periudhën e njëjtë të vitit të kaluar kur kishte 545 895 udhëtarë.

“Përvec numrit në rritje mbi 19% në udhëtarë aeroporti ka shënuar edhe një rritje prej rreth 10 % në nr të fluturimeve.

Në këtë periudhë kohore ka ateruar për herë të parë edhe kompania e re ajrore ‘Condor’ duke shtuar frekuencat e fluturimeve për Dusseldorf dhe Munich”, thuhet në komunikatë.

Ndërsa ditë më parë edhe fluturimet në destinacionin e Ljubljanës u rikthyen përsëri përmes kompanisë ajrore GP Aviation.