Familjeve britanike do t’iu ofrohen 350 euro për strehimin e refugjatëve ukrainas

Sekretari i Strehimit, Michael Gove, ka njoftuar se dhjetëra mijëra njerëz mund të shkojnë në Britani të Madhe, sipas skemës dhe ai mund t’i ofrojë një dhomë një refugjati.

Por Këshilli i Refugjatëve është i shqetësuar për nivelin e mbështetjes për ata të traumatizuar nga lufta.

Sipas skemës Homes for Ukraine, njerëzit do të jenë në gjendje të emërojnë një individ ose një familje me emër për të qëndruar me ta pa qira, ose në një pronë tjetër, për të paktën gjashtë muaj.

Gove, për BBC, ka thënë gjithashtu se qeveria po shqyrtonte përdorimin e pronave të oligarkëve rusë të sanksionuar nga Britania e Madhe për “qëllime humanitare”, por kishte “një pengesë mjaft të lartë ligjore” dhe kjo masë do të skadonte me përfundimin e sanksioneve.

Autoritetet lokale do të marrin gjithashtu 12500 euro fonde shtesë për shërbimet mbështetëse me më shumë për fëmijët e moshës shkollore, tha Departamenti për Nivelimin, Strehimin dhe Komunitetet.

Më shumë se 2.5 milionë njerëz janë larguar deri më tani nga Ukraina për shkak të pushtimit të Rusisë, në atë që OKB-ja e ka quajtur kriza e refugjatëve me rritjen më të shpejtë që nga Lufta e Dytë Botërore.